دوای ئەوەی یەکێتی تۆپی پێی کوردستان بریاریدا ئەم وەرز یارییەکانی خولی تازەپێگەیشتووانی هەولێر بە شێوازی سەرکەوتنی یانەکان بکات بە ئەنجامدانی پاڵاوتن لە شارەکانی هەرێمی کوردساتن، 10 یانە لەسەرجەم شارەکانی کوردستان سەرکەوتن بۆ قۆناغی کۆتایی خولی تازەپێگەیشتووانی کوردستان و بەسەر دووو کۆمەڵە دابەش کرا،

دواتر لە هەر کۆمەڵەیەک دوو یانە سەرکەوتن بۆ چوارگۆشەی زێڕینی خولەکە کە هەر یەک لە یانەکانی هەندرێن و هەولێر لە کۆمەڵەی یەکەم و یانەکانی ئاشتی و پێشمەرگەی سلێمانی لە کۆمەڵەی دووەم سەرکەوتن بۆ چوارگۆشەی زێڕین. 

یانەی هەولێر و ئاشتی لە دوو یاریی چوون و هاتن دژی یەکتر یارییان ئەنجامدا، بە ئەنجامی هەردوو یاری یانەی هەولێر گەیشتە یاری کۆتایی، لە یاریی دووەمیش یانەی هەندرێن و  پێشمەرگەی سلێمانی دژی یەکتر یارییان ئەنجامدا و بە ئەنجامی هەردوو یاری یانەی هەندرێن توانی بگاتە یاری کۆتایی خولەکە.

لە بەرواری 6-7-2022 لە یاریگەی پێشمەرگەی هەولێر هەردوو یانە یاری کۆتاییان ئەنجامدا و لە یاری کۆتایی یانەی تازەپێگەیشتووانی هەولێر توانی بە ئەنجامی سێ گۆڵی بێ بەرامبەر یارییەکە بباتەوە ببێته‌ پاڵه‌وانی خولی تازەپێگەیشتووانی کوردستان بۆ وەرزی 2021-2022

لیژنەی پێشبڕکێکانی یەکێتی تۆپی پێی کوردستان گۆڵپارێزی یانەی هەولێر یوسف ئازادی بە باشترین گۆڵپارێزی خولەکە دەستنیشان کرد و مستەفا قابیل بە باشترین یاریزانی خولەکە، هەر یەک لە یاریزانان پاڤێل عبدالستار و سامی سعید بە تۆمار کردنی 6 گۆڵ خەڵاتی گۆڵکاری خولەکەیان بردەوە 

لە کۆتایی لە مەراسیمێکی شایستە خەڵات بەسەر یاریزانەکان و ناوبژیوانان و سەرپەرشتیاری یاریی و تیپی براوە دابەشکرا